Жаңа Конституция 1 шілдеден күшіне енеді, 15 наурыз мемлекеттік мереке болады

Қазақстан Президенті Қасым-Жомарт Тоқаев Түркістан облысындағы халық алдында сөйлеген сөзінде жаңа Конституцияның қабылдануына қатысты мәлімдеме жасады.

«Бұл аптаның басында мен Конституцияға қол қойып, оның ережелерін іске асыру шаралары туралы Жарлыққа қол қойдым. 1 шілдеден бастап Жаңа Конституция ресми түрде күшіне енеді. Бұдан былай біз халықтың бірлігімен референдум өткізілген күн – 15 наурызды Конституция күні ретінде мемлекеттік мереке деп жыл сайын атап өтеміз», – деді Тоқаев.

Ол бұл ретте ұлттық дауыс беру жас ұрпақтың белсенділігін, жаңалық ізденушілігін және жетілуін айқын көрсеткенін атап өтті.

«Жаңа Конституция ең алдымен өсіп келе жаттан ұрпақ пайдасына қабылданды, бұл құжат жастарға бағытталған деуге болады. Негізгі зан жас адамдар үшін адал жол көрсеткіш болады. Жана Конституцияның жасампаз күші оны іске асыруға жастардың белсенді қатысуы арқылы ашылады», – деді Мемлекет басшысы.

Президент ел тарихи маңызы бар конституциялық реформаны сәтті жүзеге асырып жатқан түбірлі өзгерістер дәуіріне кіргенін ескертті. «Республикалық референдумда азаматтар елдің жарқын болашағы үшін тарихи таңдау жасады. Біз халықтың толығынан қолдауын алған жаңа Конституцияны иелендік», – деп түйіндеді Тоқаев.

21 наурыз сенбіде Қазақстан Президенті Түркістан облысына жұмыс сапарымен барды. Сапар түркі әлемінің киелі орындарының бірі – Қожа Ахмет Яссауи кесенесін зиярат етуден басталды.