Степногорск кеншілері референдумда жаңа Конституцияны қолдауға шақырды

Қостанай облысындағы ірі кен-металлургия кешенінің 12 мыңнан астам қызметкері жаңа Конституция бойынша референдумды қолдады. «Соколов-Сарбай кен байыту өндірістік бірлестігі» акционерлік қоғамының (Соколов-Сарбай КБӨБ АҚ) ұжымы елдің онжылдықтарға созылатын тұрақты дамуының негізі болатын негізгі заңға дауыс беруді қажет деп санайды.

Кеншілердің пікірінше, мемлекеттің тірегі жұмысшы адамның еңбегі болуы керек, ал еңбексүйгіштік ұлттық құндылықтардың біріне айналуы тиіс. Олар бұл маңызды шешімнен қазақстандықтардың тыс қала алмайтынына сенімді және барлығының дауыс беруге міндетті екенін атап көрсетті.

Компания басшылығы конституциялық реформаның тұрақтылық, басқарылатындық және сабақтастық сияқты негізгі басымдықтарды көрсететінін атады. Қызметкерлер үшін еңбек қауіпсіздігін мемлекет пен жұмыс берушінің міндеті ретінде бекіту ерекше маңызға ие. Енді өндірістегі өмір мен денсаулыққа төнетін тәуекел мамандықтың ерекшелігімен немесе экономикалық орындылықпен ақталмайды.

Конституциялық өзгерістер әрқашан тек бүгінгі күн тақырыбын ғана емес, сонымен қатар мемлекеттің ұзақ мерзімді тұрақтылығын анықтайды. Өнеркәсіп үшін бұл ерекше маңызды. Жаңа Конституция еңбек адамның рөлін күшейтіп, өндірісті дамыту мен қызметкерлер мүдделерін қорғау өзара байланысты міндеттерге айналатын негіз қалайды

Eurasian Resources Group директорлар кеңесінің төрағасы Шухрат Ибрагимов референдумға қатысу — бұл ел даму траекториясын анықтайтын саналы азаматтық таңдау деп бағалады. Соколов-Сарбай КБӨБ қызметкерлері өзгеріс процесіне белсенді қатысуға дайын және барлық қазақстандықтарды алдағы дауыс беруде өз көзқарастарын білдіруге шақырады.