Токаев пен Путин телефон арқылы Астанаға болатын сапарын талқылады
@TengriNews
Қазақстан Президенті Қасым-Жомарт Тоқаев Ресей Федерациясының Президенті Владимир Путинмен телефон арқылы сөйлесті.
Сөйлесу барысында Ресей лидері Қазақстан Мемлекет басшысын жалпыұлттық референдумды сәтті өткізгені және республиканың жаңа Конституциясын қабылдағаны үшін құттықтады.
Екі ел басшысы екіжақты қарым-қатынас күн тәртібін талқылады. Қасым-Жомарт Тоқаев мамыр айының соңында болуы күтілетін Ресей Президентінің Қазақстанға мемлекеттік сапарының екі ел арасындағы стратегиялық әріптестік пен одақтастық қатынастарды нығайту үшін аса маңызды екенін атап өтті.
Владимир Путин Астанадағы алдағы келіссөздердің осындай бағалауымен келісіп, барлық стратегиялық маңызды салалардағы екіжақты ынтымақтастықтың ілгерілей дамып келе жатқан сипатын атап өтті.
Дереккөз: tengrinews.kz