Оразалы Ержановты түнде ұстап, 10 тәулікке қамады
@UlysMedia
Белгілі қоғам қайраткері Оразалы Ержанов түнде үйінен алынып, сот оны 10 тәулікке қамауға жазалады. Оның жұбайының айтуынша, оларға түн ортасында келіп, үйін іздестірген.
Ержанов Elge Qaitaru қоғамдық қорының басшысы болып табылады. Соңғы уақытта ол жаңа Конституция жобасына сын айтқан болатын. Өз пікірінде ол: «Бұл жұмыс тобы мен Құрылтай мүшелерін кім сайлады? Олардың мәртебесінің заңдылығы мен қабылдайтын шешімдерінің негізі неде? 1993 жылғы Конституция жобасы елдің барлық азаматтарының қатысуымен жеті айға жуық уақыт бойы халықтық талқыланды. Қазір неге Қазақстан халқына сенімсіздік бар?» деген сұрақтарды қойған еді.
Бұдан бір күн бұрын Ішкі істер вице-министрі полицияның жаңа Конституцияны сындаушыларға қудалау жүргізетіні туралы ақпараттың өзіне жетпегенін мәлімдеген еді.
Дереккөз: ulysmedia.kz