Қазақстан азаматтарына Таяу Шығысқа сапарлардан бас тарту ұсынылады

Қазақстан Сыртқы істер министрлігі ел азаматтарына Таяу Шығыс аймағындағы қауіпті жағдайға байланысты ресми түрде ескерту жариялады. Министрлік жексенбі күні, 6 наурызда өз сайты мен Telegram-арнасында хабарлама жариялады.

Хабарламада: «Таяу Шығыстағы соғыс әрекеттерінің жалғасуына және аймақтың көптеген елдерінде әуе кеңістігінің жабылуына байланысты СІМ Қазақстан азаматтарына белсенді соғыс әрекеттері тоқтағанша және жағдай толық қалыпқа келгенше, көрсетілген елдерге барлық түрдегі сапарлардан бас тартуды қатты ұсынады», – делінген.

Бұл шектеуге мына мемлекеттер кіреді: Бахрейн, Мысыр, Израиль, Йемен, Иордания, Ирак, Иран, Катар, Сауд Арабиясы Корольдігі, Кувейт, Ливан, БАӘ, Оман және Сирия.

СІМ сондай-ақ аталмыш аймақта орналасқан қазақстандықтардан жеке қауіпсіздікті арттыру шараларын сақтауды, әлеуетті түрде қауіпті аудандарға барудан аулақ болуды, жергілікті билік органдарының нұсқаулығын орындауды сұрайды. Сонымен қатар ракеталық шабуыл туралы ескерту болған жағдайда бірден панажайларға/берік орындарға бет алу керек. Азаматтар өздерінде тұрған елдердегі ҚР дипломатиялық өкілдіктерімен, туроператорлармен және әуекомпаниялармен байланыста болуы тиіс.

Бұрын Таяу Шығыстағы әскери-саяси шиеленістен туындаған жағдайда Сырткі істер министрлігі мен оның шетелдегі өкілдіктері күшейтілген режимде жұмыс істеп тұрғандығы хабарланды. Аймактағы елдерде орналасқан республиканың дипломатиялық миссиялары жағдайды үздіксіз мониторингтейді, жергілікті билік пен қазақстандықтармен тұрақты байланыста болады. Сондай-аq оперативті реагия беру және консулдық-кеңес берушілік көмектін жедел көрсету үшін дипломаттар әуежайларга үнемi сапарлар ұйымдастыруда.