Токаев АҚШ-тың Mars компаниясының бас директорымен кездесті, 180 млн долларлық инвестиция келісімі жасалды
@Akorda
Вашингтонда Президент Қасым-Жомарт Тоқаев АҚШ-тың Mars компаниясының Бас атқарушы директоры Пол Вайраухпен кездесу өткізді.
Кездесу барысында Қазақстан Республикасының Ауыл шаруашылығы министрлігі мен Mars компаниясы арасында шамамен 180 миллион АҚШ долларын құрайтын инвестициялық келісімге қол қойылғаны атап өтілді. Бұл шарт стратегиялық маңызды серіктестіктің басталуын белгілейді және қазақ-америкаын ынтымақтастығының жоғары деңгейін көрсетеді.
Жоба аясында Mars компаниясы Алматы облысындағы Алатау қаласында үй жануарларына арналған жем зауытын салады. Бұл кәсіпорын ауылшаруашылық шикізатын терең өңдеуді қамтамасыз етеді және жоғары қосылған құны бар өнімдер шығарады.
Пол Вайраух Қазақстан Президентіне өзара тиімді инвестициялық келісімді іске асырудағы қолдауы үшін алғыс білдірді. Компания басшысының айтуынша, бұл бастама Mars үшін Орталық Азияда және көршілес аймақтарда өндірісті кеңейту мен нарықты дамыту үшін тамаша платформа болады.
Дереккөз: www.akorda.kz