Қазақстандықтар Эпштейн файлдарында бар ма? Бұл туралы БАҚ-та айтылды

Қазақстан Республикасының Бас прокуратурасы Джеффри Эпштейн ісі бойынша жарияланған құжаттарды талдау жүргізіп жатыр. Мәліметтерді тексеру барысында онда қазақстандықтардың есімдерінің кездесуі мүмкіндігі зерттеледі.

Бас прокуратураның орынбасары Ерлан Өтегенов Сенат кулуарында журналистерге берген сұхбатында осы жайлы айтты. Оның айтуынша, тексеру процесі жалғасуда, өйткені материалдардың көлемі өте үлкен – 3 миллионнан астам хабарламаны қамтиды.

«Олар үзінді, үзік-үзік. Қазір біз оларды толығымен зерттеп жатырмыз – онда қазақстандықтар атала ма, жалпы Қазақстан туралы әңгіме бар ма дегенді тексереміз», – деді Ерлан Өтегенов.

АҚШ Әділет министрлігі Джеффри Эпштейн ісі бойынша материалдардың кең ауқымды жинағын 31 қаңтарда жариялады. Жинақта 3 миллионнан астан бет, 180 мыңға жуық фотосурет пен 2 мың видео файл бар. Бұл іс бойынша мәліметтердің ең ірі ресми жариялануы болып табылады.

Жарияланған «Эпштейн файлдары» деп аталатын құжаттар жиынтығы американдық қаржыгер Джеффри Эпштейннің сот ісіне қатысты материалдардан тұрады. Онда сот қағаздары, куәгерлердің көрсетімдері және байланыс тізімдері бар. Эпштейн өзі кәмелетке толмағандармен жыныстық сипаттағы қылмыстар үшін айыпталған болатын.

Материалдарда саясаткерлер, бизнесмендер, ғалымдар мен әншілерді қоса алғанда, жүздеген танымал тұлғалардың есімдері аталады. Алайда, құжаттарда есімнің кездесуі сол адамның заң бұзғанын дәлелдемейтінін есте ұстау маңызды.

Талданған мәліметтерге сәйкес, Қазақстанның бұрынғы премьер-министрі, қазір мемлекеттік сатқындық үшін 18 жылға бас бостандығынан айырылған Кәрім Мәсімов осы файлдарда сегіз рет аталып өтеді. Ал оның орынбасары Қайрат Келімбетовтің есімі 90-нан астам рет кездеседі (бір бөлігі дубликат хабарламалар болуы мүмкін).

2011 жылғы 4 тамыздағы хатта белгісіз тұлга Джеффри Эпштейнге былай деп сұрайды: «Джеффри, менімен көрші үйде Қазақстан премьер-министрі Кәрім Мәсімов тұрады. Сен оны танисың ба?». Сондай-ақ, 2014 жылғы хат алмасулардан Эпштейннің өкілдері оның үш рет Мәсімовге сәлем жеткізгенін хабарлағаны белгілі болды.

Бұдан бұрын Мажилис депутаты Асхат Рахимжанов Бас прокурор мен ҰҚК төрағасына депутаттық сұрату жолдап, Қазақстанның билік шенді тұлгаларының Джеффри Эпштейнмен мүмкін байланыстары туралы ақпаратты тексеруді талап еткен болатын.