Дәрі-дәрмек сатып алуда үнемдеу 2023 жылдан бері үш есе өсті

Дәрі-дәрмек сатып алуды тиімді басқару, логистикалық маршруттарды жаңарту және дәрілік заттарды дербес есепке алу жүйесін енгізу нәтижесінде 2023 жылдан бергі кезеңдегі үнемделген сома үш еседен астам өсті. Ол 21,5 миллиард теңгеден 70,5 миллиард теңгеге дейін көтерілді. Алынған қаражат медициналық ұйымдардың өтініштері бойынша науқастардың қосымша қажеттіліктерін қамтамасыз етуге жедел бағытталды.

Баға белгілеудің жаңа жүйесі, бір дистрибьютордың қоймаларындағы қалдықтарды есепке алу және сауда атаулары мен дозаларды таңдауға икемді көзқарас арқасында бұл жүйе үш жыл бойы үнемдеудің тұрақты өсуін көрсетеді.

Осылайша, 2023 жылы қорларды ескере отырып сатып алынған 1571 дәрілік зат пен медициналық бұйымның атауынан 21,5 миллидард теңге үнемдеуге мүмкіндік туды.

2024 жылы жұмыс ауқымы кеңейді: 1596 атауды сатып алу экономикалық көрсеткішті 50 миллиард теңгеге дейін арттыруға мүмкіндік берді.

Рекордтық нәтижелер 2025 жылы қол жеткізілді, онда 1711 атауды сатып алу мемлекетке бюджеттік қаражаттан 70,5 миллиард теңге үнемдеу әкелді.

Баға белгілеу реформасының арқасында ЖМДЖМ шегіндегі дәрі-дәрмектің шекті бағалары мен МСҚКЖ жүйесі орта есеппен 15%-ға төмендетілді, ал көтерме сауда мен бөлшек сауда сегментінде орташа есеппен 26%-ға төмендетті.