Ресей Орталық Азиямен атомдық энергетикадағы серіктестігі туралы айтты

Ресей Федерациясының Сыртқы істер министрлігінің ресми өкілі Мария Захарова Ресейдің Қазақстан мен Өзбекстанмен атомдық энергетика саласындағы ынтымақтастығы теңдік және өзара құрмет негізінде құрылғанын мәлімдеді.

Бұл мәлімдеме Франция президенті Эммануэль Макронның Ресей уранына тәуелділікті азайту қажеттілігі туралы сөзінен кейін жасалды. Француз лидері балама жеткізушілер ретінде Қазақстан, Өзбекстан, Моңғолия, Канада және Австралияны атап өткен еді.

Захарованың айтуынша, Батыс елдері Орталық Азия нарыптары мен олардың табиғи ресурстарына қол жеткізуді бекітуге ұмтылып, жиі нарықтық емес әдістерге жүгініп, Ресейдің аймақ мемлекеттерімен ынтымақтастығын әлсіретуге тырысады.

«Біздің жағымыз халықаралық құқық пен екіжақты келісімдер негізінде әрекет етеді, барлық қатысушылардың мүдделерін ескере отырып. Дәл осы тәсіл Өзбекстан мен Қазақстанмен заманауи атом энергетикасын дамытудағы және атом электр станцияларын салу жобаларын іске асырудағы серіктестігіміздің негізі болып табылады», – деді ол.

Ресей өкілі Батыс елдері үстемдік позициясынан шығатынын, ал Ресей бірлескен энергетикалық жобаларды іске асыру кезінде теңдік пен мүдделерді өзара есепке алу принциптерін басты деп санайтынын да атап өтті.