Назарбаев Токаевті қолдап, конституциялық реформаны мақұлдады

Қазақстанның тұңғыш президенті Нұрсұлтан Назарбаев елде жүргізіліп жатқан саяси реформаларға қатысты өз пікірін білдірді.

Ол жеті жыл бұрын мемлекет басшысының өкілеттігін ерікті түрде тапсырып, елдің одан әрі тұрақты дамуы мен биліктің үздіксіздігін қамтамасыз ету мүддесін басшылыққа алғанын атап өтті.

«Уақыт тоқтамайды. Ұрпақтар ауысады. Әрбір ұрпақ Қазақстанның тәуелсіздігін нығайтуға өз үлесін қосуы керек. Менің ұрпағым тәуелсіздік жариялап, шекараларды белгілеп, астана салып, өз міндетін орындады деп санаймын. Қазір Қазақстанды одан әрі нығайтып, беделін көтеру қажет. Бұл үшін көп істеліп жатыр, соның ішінде мен қолдайтын бүгінгі референдум да бар. Мен уақытында Қасым-Жомарт Тоқаевты таңдадым және бұл таңдауыммен мәңгілікке қаламын. Бұл Конституцияның елімізге, халқымызға пайдалы болуын тілеймін», – деді Нұрсұлтан Назарбаев.

Бүгін Нұрсұлтан Назарбаев жаңа Конституцияны қабылдау туралы референдумда дауыс берді. Ол «Астана Опера» театры аумағында орналасқан сайлау учаскесінде өз даусын берді.