Жамбыл облысында кукурузды терең өңдеу бойынша стратегиялық жоба іске қосылды

Жамбыл облысының Шу ауданында кукурузды терең өңдеуді көздейтін стратегиялық инвестициялық жоба жүзеге асырылуда. Өндірістік кешен «Jibek Joly» арнайы экономикалық аймағының аумағында Shengtai Biotech Co., Ltd (Fufeng Group) компаниясының қатысуымен салынуда.

Бұл жоба Мемлекет басшысының өңдірішілік секторды дамыту бойынша тапсырмалары аясында жүзеге асырылып, өнеркәсіптік паркті кезең-кезеңмен салуды көздейді. Қазіргі уақытта кәсіпорынның бірінші кезеңінің құрылысы аяқталған.

Зауыт сұранысқа ие аминқышқылдарын, соның ішінде валин, треонин, глутамин және цитруллинді шығаруға бағытталған. Бірінші өнімдер – изолейцин мен лейцин техникалық режимде алынды. Бұл оқиға отандық өнеркәсіп үшін маңызды болды: тармақталған тізбекті (BCAA) алмастырылмайтын аминқышқылдарын шығару Қазақстанда және Орта Азия аймағы тұтастай алғанда алғаш рет игерілді.

Қазіргі уақытта жобалық қуаттылыққа шығу үшін өндірісті көлемдерін біртіндеп арттыру жұмыстары жүргізілуде. Толық іске қосылғаннан кейін зауыт жылына 3 миллион тонна кукурузды өңдей алады және шамамен 1700 жаңа жұмыс орнын құрады.

Жобаның инвестицияларының жалпы көлемі 1,5 миллиард АҚШ долларын құрайды, ал кәсіпорын аумағы 400 гектар. Шығаратын өнім Орта Азия, Еуропа, Америка және Африка елдеріне экспортталады.