Шымкентте Орталық Азиядағы ең ірі ұшақтарға техникалық қызмет көрсету орталығының құрылысы басталды

Шымкент қаласында SCAT әуекомпаниясы мен Boeing корпорациясының серіктестігінде салынатын ұшақтарға техникалық қызмет көрсету және жөндеу (MRO) орталығының негізіне арналған капсуланы салу салтанаты өтті.

Бұл жоба Елбасының АҚШ-тағы жұмыс сапары аясында халықаралық даму алды. Сол кездегі Boeing басшыларымен болған кездесуде Шымкенттегі MRO-орталық жобасын іске асыруды қамтитын стратегиялық ынтымақтастықты кеңейту перспективалары талқыланды.

Салтанатты рәсімге Шымкент қаласының әкімі Ғабит Сыздықбеков, Көлік вице-министрі Талғат Ластаев және Boeing корпорациясының коммерциялық сату және маркетинг бойынша вице-президенті Пол Риги қатысты.

Жаңа кешен Орталық Азия аймағындағы ұшақтарға техникалық қызмет көрсету мен жөндеудің ең ірі орталығына, сондай-аа Қазақстан Республикасының авиация саласындағы маңызды инфрақұрылымдық жобалардың біріне айналады.

Жоба Boeing өндірісінің ұшақтарына, соның ішінде Boeing 737 (Classic/NG/MAX), Boeing 757/767 отбасыларының ұшақтарына, сондай-аа Boeing 777 сияқты кең фюзеляжды ұшақтарға арналған перспективалы бағдарламаларға баса назар аудара отырып, толық өндірістік циклді заманауи орталық құруды көздейді. Осыған байланысты Boeing ұшақтарын қосымша сатып алу жоспарлануда.

Кешен аумағы 10 гектар болатын учаскеге орналасады. Инженерлік-техникалық инфрақұрылымның жалпы ауданы 45 000 шаршы метрден асады, оның ішінде 6 гектардан астам аумағы бар ангар маңындағы ұшақ тұрағы бар. Кемінде 15 жаңа технологиялы нысандар салу жоспарлануда.

Жобаны іске асыру Қазажстанда шетелдік әуекомпаниялардың ұшақтарын тартуға, салалық құзыреттерді кеңейтуге және жаңа білікті мамандар үшін жұмыс орындарын құруға қабілетті халыкаралы дегейдегі заманауи сервистік базаны қалыптастыруға мүмкіндік береді.