Шымкентте Орталық Азиядағы ең ірі ұшақ жөндеу орталығының негізі қаланды

Шымкент қаласында авиакомпания SCAT пен Boeing корпорациясының серіктестігінде салынатын, Орталық Азиядағы ең ірі техникалық қызмет көрсету және жөндеу (MRO) орталығының ірге тасы салынды.

Бұл жоба Мемлекет басшысының АҚШ-қа жұмыс сапары аясында халықаралық даму алды. Ол кезде Boeing басшыларымен стратегиялық ынтымақтастықты кеңейту перспективалары, соның ішінде Шымкенттегі MRO-орталығын салу мәселелері талқыланды.

Аса маңызды рәсімге Шымкент қаласының әкімі Ғабит Сыздықбеков, Көлік вице-министрі Талғат Ластаев және Boeing-тің коммерциялық сату және маркетинг бойынша вице-президенті Пол Риги қатысты.

Жаңа кешен Орталық Азиядағы ең ірі ұшақтарға техникалық қызмет көрсету және жөндеу алаңына, сондай-аҚ Қазақстан Республикасының авиация саласындағы маңызды инфрақұрылымдық жобалардың біріне айналады.

Жоба Boeing өндірген ұшақтарға, соның ішінде Boeing 737 (Classic/NG/MAX), Boeing 757/767 отбасыларына қызмет көрсетуді басты назарға ала отырып, толық өндірістік циклді заманауи орталық құруды көздейді. Сонымен қатар, Boeing 777 сияқты кең фюзеляжды ұшақтарға арналған болашақ бағдарламалар да ескеріледі. Осыған байланысты Boeing ұшақтарын қосымша сатып алу жоспарлануда.

Кешен 10 гектар аумағын орналасады. Инженерлік-техникалық инфрақұрылымның жалпы ауданы 45 000 шаршы метрден асады, оның ішінде 6 гектардан астам аумағы бар ангар маңындағы ұшақ тұрағы бар. Кем дегенде 15 жаһан технологиялы нысан салу жоспарлануда.

Жобаны іске асыру Қазажстанда халыкаралыҚ деңгейдегі заманауи сервистік базаны қалыптастыруға мүмкіндік береді. Бұл шетелдік авиакомпаниялардың ұшактарын тартуға, салалыҚ біліктілікті кеңейтуге және жаңа білікті мамандар үшін жұмыс орындарын жасауға мүмкіндiк бередi.