Сербияда Вучич пен оның отбасына қастандық жасауға дайындалған екі адам қамауға алынды
@TengriNews
Сербияда мемлекеттік төңкеріс дайындау ісі бойынша екі адам қамауға алынды. Ішкі істер министрлігінің мәліметі бойынша, олар ел президенті Александр Вучич пен оның отбасына қастандық жасауды жоспарлапты.
Ішкі істер министрлігінің хабарлауынша, 1975 және 1983 жылдарда туылған екі ер адам Кралево қаласында ұсталды. Тергеу бойынша, күдіктілер 2025 жылдың желтоқсанынан 2026 жылдың ақпанына дейін Сербияның конституциялық құрылымын күштеп өзгерту және жоғарғы мемлекеттік органдарды тақтан тайдыру мақсатында келісім жасасты.
Құқық қорғау органдарының нұсқасы бойынша, тергелетіндер қару сатып алу мүмкіндігін талқылапты. Сонымен қатар, олар Сербия президентіне, оның жұбайы мен балаларына өмірлерін алу ниетімен шабуыл жасауды жоспарлапты деп болжануда. Бұдан басқа, тергеу Сербия ІІМ қызметкерлеріне шабуыл дайындалу нұсқасын да қарастыруда.
Күдіктілерге 48 сағат мерзімге дейін ұстау шарасы қолданылады. Осы мерзімнен кейін олар Кралеводағы Жоғарғы мемлекеттік прокуратураға жеткізіледі.
Еске сала кетейік, 2021 жылдың ақпанында серб полициясы Стефан Неманя ескерткішінің ашылу күні Вучичке қарсы қастандық дайындалған деп мәлімдеген еді. Тергеу нұсқасы бойынша, бұл істен криминалды бедел иесі Велько Беливуктің топтамасы жауапты болған. Кейін банда мүшелері тұтқындалған болатын. Сербия президентінің өзі болса, оның шынымен де нысана болған-болмағандығына күмән келтірген еді.
Дереккөз: tengrinews.kz