Қытай мен Өзбекстан сауда-экономикалық ынтымақтастық туралы хаттамаға қол қойды

Өзбекстан мен Қытай Халық Республикасы арасындағы сауда-экономикалық ынтымақтастық бойынша ішкі комитеттің тоғызыншы отырысы Ташкентте өтті.

Кездесу Өзбекстанның инвестиция, өнеркәсіп және сауда вице-министрі Ильзат Қасымов пен ҚХР коммерция вице-министрі Лин Цзидің төрағалығымен өткізілді.

Тараптар екіжақты сауданың ағымдағы жағдайы мен даму перспективаларын, инвестициялық ынтымақтастықты нығайтуды, көлік-логистика серіктестігін кеңейтуді және «Қытай – Орталық Азия» форматындағы бірлескен жұмысты талқылады.

Елдер арасындағы тауар айналымының тұрақты өсуі атап өтілді. 2025 жылдың қорытындысы бойынша ол 17,8 миллиард АҚШ долларына жетті. Ал 2026 жылдың бірінші тоқсанында алдыңғы кезеңмен салыстырғанда тауар айналымы 53,4%-ға артты. Теміржол тасымалын кеңейтуге және Өзбекстанның аймақтағы негізгі логистика торабы ретіндегі рөлін нығайтуға ерекше назар аударылды.

Кездесудің барысында қытай қаржы институттарының бірлескен жобаларға қатысуы, сондай-ақ бизнес ортасын жақсарту мен экономикалық өзара іс-әрекетті ынталандыруға бағытталған инновациялық шешімдерді енгізу мәселелері де қарастырылды.

Талқылаудың бөлек тармағы болса – алдағы халықаралық іс-шараларға дайындық болды. Олар: Гонконгте 5–6 мамырда өтетін бизнес-форум және Сиань қаласында 20–22 мамыр аралығында өткізілетін үшінші аймакаралық форум.

Отырыстың нәтижесінде үкіметаралық комитет шеңберіндегі сауда-экономикалық ынтымақтастық мәселелері бойынша қорытынды хаттамаға қол қойылды.