Трамп: Иранның Ормуз бұғазы арқылы шантаждаудан басқа «козырьі» жоқ

АҚШ президенті Дональд Трамп Иранның Ормуз бұғазы арқылы әлемді қысқа мерзімді шантаждаудан басқа ешқандай «козырьі» жоқ деп мәлімдеді. Ол бұл пікірін әлеуметтік желідегі парақшасында білдірді.

«Ирандықтардың халықаралық су жолдарын пайдалану арқылы әлемді қысқа мерзімді шантаждаудан басқа ешнәрсесі жоғын түсінбейтін сияқты. Олардың бүгін тірі қалуының жалғыз себебі – келіссөздер жүргізу қажеттілігі», – деп жазды Трамп.

Бұрын АҚШ-тың ақ үйі АҚШ президентінің Иран бойынша келіссөз топтарын вице-президент Джей Ди Вэнстің басшылығымен Пәкістанға жіберетінін хабарлаған еді. Кездесулердің алғашқы раунды сенбі күні, 11 сәуірде өтеді. Трамп әкімшілігі американдық лидер тек Ормуз бұғазы арқылы еркін өту жағдайында ғана Иранмен келіссөз жүргізетінін атап өтті.

Иран делегациясын парламент спикері, Ислам төңкерісі күзетшілер корпусының бұрынғы командирі Мұхаммед Багер Калибаф пен сырт істер министрі Аббас Аракчи басқаратыны күтілуде.

Иранның Жоғарғы көсемі Моджтаба Хаменеи халыққа үндеу сөзінде Тегеран соғыс қозғамайтынын, бірақ өз құқығынан таймайтынын мәлімдеді. Хаменеи Иранның Ормуз бұғазын бақылауды жалғастыратынын атап өтті.

Трамп таңертең, 8 сәуірде Иранмен екі апталык от тоқтату туралы келісімге қол жеткізілгенін жариялады. Кейін ол Тегеранға тыныштык келісімі сәтсіз аякталса, ауыр салдарлар болуы мүмкіндігін ескертті.