Трамп Қытайға Иранға әскери жабдық жеткізсе, 50% баж салуды уәделеді

АҚШ президенті Дональд Трамп Қытай үкіметін Иранға әскери жабдықтар жеткізуде «ұстаса», елге қосымша 50 пайыздық баж салынатынын мәлімдеді. Бұл айтылған сөздерді ол Fox News телеарнасына берген сұхбатында атап өтті.

«Егер біз оларды (Қытай – ред.) осы істе ұстасақ, олар 50 пайыздық баж алады, бұл таң қаларлық сома», – деді Ақ үй басшысы Иранға басқа мемлекеттердің әскери көмегіне АҚШ-тың жауабы туралы сұраққа жауап ретінде.

Бұл өткір пікірталас халықаралық дипломатиялық күрестің соңғы кезеңінде айтылды. Бірнеше күн бұрын ҚХР СІМ ресми өкілі Мао Нин Таяу Шығыстағы тұрақтылықтың тезірек қалпына келуіне үміттенетіндігін білдірген еді.

«Біз мүдделі тараптар бейбіт реттеу мүмкіндігінен пайдаланып, пікірталастар мен консультациялар арқылы қайшылықтарды шеше алады деп үміттенеміз, сонымен қатар Парсы шығанағы мен Таяу Шығыстағы бейбітшілік пен тұрақтылықты тезірек қалпына келтіруге ықпал ете алады», – деді Мао Нин.

АҚШ пен Иран арасындағы дағдарысты реттеу бойынша келіссөздер 11 сәуірде Исламабадта өтті. Жиырма бір сағат созылған келіссөздер нәтижесінде тараптар келісімге келмеді.

Америка делегациясын басқарған АҚШ вице-президенті Джей Ди Вэнс Вашингтонның Тегеранға келіссөздер кезінде «соңғы және ең жақсы ұсынысты» жасағанын хабарлады. Дегенмен, оның айтуынша, Иран «жеткіліктті икемді» мәміле шарттарын қабылдаудан бас тартты.