Трамп Ормуз бұғазын АҚШ пен Иранның бірлескен бақылауына ұсынды

АҚШ президенті Дональд Трамп Иранмен дипломатиялық келіссөздер сәтті өтсе, Ормуз бұғазының «өте жақында» ашылуы мүмкін екенін мәлімдеді. Ол осы маңызды су жолын екі елдің бірлесіп бақылауын ұсынды.

Журналистердің Иранның осы негізгі мұнай тасымалдау артериясындағы бақылауын сақтай ала ма деген сұрағына Трамп: «Ол бірлескен бақылауда болады», – деп жауап берді. Кіммен бірлесіп бақылайтыны туралы сұралғанда, ол: «Мүмкін, менімен – менімен және аятолламен, кім болса да сол аятолла, келесі аятолла кім болса да», – деп түсіндірді.

АҚШ лидері сонымен қатар Иран ішінде «өте қатал түрдегі режимнің өзгеруі» жүретінін айтты. Оның пікірінше, режимнің өзгеруі автоматты түрде жүреді, бірақ олар өте ақылды және сенімді деп санайтын адамдармен іс жүргізуде. «Ішкілер олардың кім екенін біледі. Олар үлкен құрметке ие және мүмкін олардың біреуі біз іздеген дәл сол адам болар», – деді Трамп.

Президент Вашингтон мен Тегеранның «күшті келіссөздер» жүргізіп, дүйсенбі күні телефон арқылы оларды жалғастыратынын растады. АҚШ тарапынан арнайы өкіл Стивен Уиткофф пен президенттің күйеу баласы Джаред Кушнер келіссөздер жүргізіп, Ирандағы «жетекші тұлғамен» байланыста болып отыр. Алайда Трамп оның есімін атаудan бас тартты және бұл тұлға Иранның Жоғарғы Өкілі емес екенін нақтылады.

Дәл осы дүйсенбі күні таңертең Трамп соңғы екі күнде АҚШ пен Иранның Таяу Шығыстағы қайшылықтарын толық шешуге бағытталған «өте жақсы және нәтижелі келіссөздер» өткергенін хабарлаған болатын.