Токаев Алатау қаласының арнайы режимінің мәнін түсіндірді

Қазақстан Президенті Қасым-Жомарт Тоқаев Астанада өткен барлық деңгейдегі мәслихат депутаттары форумында сөз сөйлеп, Алатау қаласы туралы баға берді.

Мемлекет басшысы бұл аймақ үшін белгіленген арнайы режимнің мәнін нақтылады. Оның айтуынша, бұл режим тек қаржыны басқаруға, салықтық жеңілдіктерге және капитал тарту үшін қажет сот процедураларына қатысты.

«Конституцияда арнайы құқықтық режимді бекіту арқылы біз инвесторлар үшін қолайлы жағдайлар жасаймыз. Біз бүкіл әлемге Қазақстанның тұрақты, ашық, кедергілерден арылған және ішкі нарығындағы жағдайы ашық мемлекет екенін көрсетеміз», – деді Президент.

Тоқаев осындай аумақтардың елдің біртұтас конституциялық және құқықтық кеңістігінің ажырамас бөлігі болып қала беретінін ерекше атап өтті.

Ол сонымен қатар Конституцияның жаңа мәтінін әзірлеуге ат салысқан барлық азаматтарға алғысын тағы да білдірді.