Токаев пен Мирзиёев Бухарадағы Баһауддин Нәқшбанд кесенесін зиярат етті

Қазақстан Республикасының Президенті Қасым-Жомарт Тоқаев Өзбекстанға жұмыс сапары аясында Өзбекстан Республикасының Президенті Шавкат Мирзиёевпен бірге Баһауддин Нәқшбанд кесенесін зиярат етті.

Бұл архитектуралық кешен ежелгі Бұхара қаласынан шамамен 12 шақырым қашықтықта орналасқан. Ол XIV ғасырда өмір сүрген атақты ғалым, Нәқшбандия суфий тариқатының негізін салушы Баһауддин Нәқшбандтың соңғы тынығу орны болып табылады және аймақтағы маңызды ислам киелі жерлерінің бірі саналады.

Өзбек пен қазақ халықтарының ортақ діни дәстүрлері мен жақын рухани құндылықтары бар. Қазіргі Өзбекстан аумағында өмір сүрген ойшылдар мен дін ғалымдары, соның ішінде Баһауддин Нәқшбанд, Қазақстанда да құрметке ие.

Архитектуралық ансамбль бірнеше ғасырлар бойы қалыптасып, бүгінде кесененің өзінен басқа, ханы Әбділазиз салдырған зияратшыларға арналған ханалах, екі мешіт, Шайбани әулеттерінің, Аштарханидтер мен Манғытардың өкілдері жерленген некрополь және суфизм тарихына арналған мұражайды қамтиды.

Өзбекстан Президентінің бастамасымен кешенге тарихи келбетін қайтарумен жаңарту жұмыстары жүргізілді. Атап айтқанда, Токи Миёна қақпаларынан кесенеге дейінгі тарихи жол қайта ашылып, оның екі жағына бау-бақшалар отырғызылды. Сонымен қатар мұражай мен тазарту бөлмелері салынып, Манғытар әулетінен шықкан Бұхар хандығының билеушісі Дониёлбий салдырған медреседі қалпына келтіру жұмыстары жалғасуда.

Зиярат барысында Құран сүрелері оқылды және бауырлас халықтардың бейбітшілігі мен гүлденуі үшін дұғалар оқылды.