Алматы облысындағы 150 мың гектар жер мемлекеттік меншікке қайтарылды
@МСХ РК
Алматы облысының Жер ресурстарын басқару департаменті Қонаев қаласының әкімдігінің қызметін кезектен тыс тексеруден өткізді. Тексеруге жер учаскесін беру заңдылығы туралы мәселелер себеп болды.
Тексеру барысында анықталғандай, жалпы аумағы 150 мың гектар болатын жер учаскесі тұрғын үй-сауық кешені мен зоологиялық парк орналастыру үшін берілген еді.
Оны беру кезінде Жер кодексінің талаптары бұзылды: учаскені бөлу қаланың жалпы жоспары ережелеріне қайшы келді.
Қонаев қаласының әкімдігіне берілген бұйрық белгіленген мерзімде орындалмады. Осыған байланысты прокуратура Қонаев қалалық сотына талаппен жүгінді. Сот ісін қарау барысында ЖБД өкілдері үшінші тарап ретінде отырысқа қатысып, анықталған жер заңнамасын бұзу фактілері бойынша түсініктеме берді.
Істі қараудың нәтижесінде сот талапты толығымен қанағаттандырды. Сот шешімімен коммерциялық мақсаттағы жер учаскесі мемлекеттік меншікке қайтарылды.
Дереккөз: www.gov.kz