АҚШ Ормуз бұғазын блокадалау туралы жариялады

АҚШ-тың Орталық әскери басқармасы (CENTCOM) әлемдік мұнай саудасының негізгі теңіз жолдарының бірі – Ормуз бұғазын блокадалауды бастағанын жариялады. Бұл шешім аймақтағы жағдайдың күрт шиеленісуі мен Вашингтон мен Тегеран арасындағы дипломатиялық белгісіздік фонында қабылданды.

АҚШ президенті Дональд Трамп Truth Social желісінде жарияланған жазбасында Иранның жылдам катерлерінің кез келгені, егер олар блокада аймағына жақындаса, жойылатыны туралы ескертті. Ол бұл үшін ашық теңізде наркодилерлерге қарсы қолданылатын жүйенің өзі пайдаланылатынын атап өтті.

Бір күн бұрын американдық лидер АҚШ әскерлерінің осы маршрутты пайдаланбақ болған барлық кемелерді тоқтату ниетінде екенін де хабарлаған еді. Сонымен қатар, ол Иранға бұғаз арқылы өту үшін төлем жасаған танкерлерді бақылауға алу мен ұстау тапсырмасын берді.

Кеме қозғалысын бақылау деректеріне сәйкес, шектеу шаралары енгізілуге дейін Ормуз бұғазы аумағында танкерлер белсенділігі іс жүзінде болмады.

Өткен апта Вашингтонмен уақытша атыс тоқтату келісімі күшіне енгеннен кейін Тегеран су тасымалдау үшін маршрутты ашты, дегенмен бір қатар шарттар белгіледі. Бұл ретте Иран достық емес деп санайтын елдерден шыққан танкерлерге өтуге тыйым салу күшінде қалды.

Өткен демалыс күндері Пәкістанда АҚШ пен Иран делегацияларының келіссөздері өтті. Иран Ислам Республикасының СІМ өкілі Исмаил Багаи тараптардың бірнеше негізгі мәселелер бойынша келісімге келе алмағанын мәлімдеді.

Келіссөздер барысында Ормуз бұғазының қауіпсіздігі, Иранның ядролық бағыты, ықтимар репарациялар, санкциялар режимі және дауды реттеу перспективалары сияқты тақырыптар талқыланды. Сондай-ақ, мүмкін болашақ келісімнің негізіне он пунктен тұратын ирандық жоспар салынуы мүмкіндігі туралы хабарланды.