Ресей Иранға АҚШ әскерлерінің орналасуы туралы ақпаратты беріп жатыр – БАҚ

Ресей Иранға Таяу Шығыстағы америкалық әскерлерге соққы беру үшін барлау деректерін ұсынып жатыр. Бұл туралы The Washington Post газеті 6 наурызда хабарлады.

Газеттің үш дереккөзінің мәліметінше, соғыс басталғаннан бері Ресей Иранға АҚШ-тың бірқатар әскери нысандарының, соның ішінде кемелер мен ұшақтардың орналасуы туралы ақпаратты табыс еткен.

«Бұл өте ауқымды операция сияқты», – деп баса белгіледі дереккөздердің бірі.

Басылым бұл арқылы Мәскеудің АҚШ пен Израильдің Иранға қарсы жүргізіп жатқан соғысына жанама түрде қатысатынын атап көрсетеді. Сонымен қатар, Ресейдің зымырандарды бағыттау мәселесінде көрсететін көмегінің дәрежесі толық анықталмаған. Соғыстың басталуынан бері Иранның нысандарды анықтау мүмкіндіктері шектеулі болып отыр.

«Олар мұны өте мақсатты түрде жасайды. Олар басқару мен басшылық орталықтарына шабуыл жасайды», – деді Карнеги Халықаралық Бейбітшілік қорының Ресей және Еуразия бағдарламасының аға ғылыми қызметкері Дара Массикот.

Оның сөздерінше, Иран «ерте ескерту радиолокаторларына немесе көкжиектен тыс радиолокаторларғa өте дәл соққылар жасайды».

Тегеран сондай-ақ Кувейттегі нысандарға да шабуыл жасады, онда алты америкалық әскери қызметші қайтыс болды. Эр-Риядтағы АҚШ елшілігіндегі Орталық барлау басқармасының (ЦРУ) құрылымдары да шабуыл нысанасына айналды.

Дара Массикоттың пікірінше, Иранда тек бірнеше әскери серігі бар және оның өз серіктік топтары жоқ. Бұл Ресей Әскери-Әуе Күштері ұсынатын деректерді, әсіресе Кремль Украинадағы соғыста нысана таңдау дағдыларын жетілдіргендігін ескере отырып, өте құнды етеді.

Алайда, ресми түрде Мәскев оны «жасанды әскери агрессия актісі» деп атаған соғысты тоқтатуға үндеді.

АҚШ-тың қорғаныс министрлігінің бастығы Пит Хегстет осы апта ішінде Ресей мен Қытай Иран жағдайында «ешбір фактор» болмайтынын және олар үшін ешбір хабарламасы жоытын мәлімдеген болатын.