Ресей истребителі Атырау әуежайына апатты түрде қонды
@UlysMedia
Ресейдің әскери ұшағы Атырау әуежайына төтенше қону жасады. Бұл оқиға Хиуаз Доспанова атындағы халықаралық әуежайдың ұшу-қону жолағына 20 ақпан күні таңертең орын алды.
Төртінші буынға жататын көпмақсатты жауынгерлік ұшақты Ресей азаматы, Башқұртстанда туған Дмитрий Нифантьев басқарған. Ұшқыш Каспий теңізінің үстінде жаттығу ұшуын орындап жүріп, кеңістіктік бағдарлауын жоғалтқан. Осы себептен ол жақын жердегі қолжетімді әуежайға төтенше қону туралы шешім қабылдаған.
Қону штаттық тәртіпте орындалып, жолаушылар рейстеріне немесе әуежайдың жұмысына қауіп төндірмеді деп хабарлайды.
Ұшақ Қазақстан жерінде ұзақ тұрмады. Экипажға қажетті медициналық көмек көрсетілгеннен кейін, барлық келісімдер мен ресми рәсімдер жүргізілді. Осы процедуралар аяқталған соң, ресейлік истребитель Қазақстан аумағын тастап, өз базасына қайтты.
Қазіргі уақытта екі елдің құзыретті органдары болған оқиғаның барлық жағдайларын анықтаумен айналысуда.
Дереккөз: ulysmedia.kz