Алатау қаласына арнайы мәртебе беру туралы Конституциялық заң бірінші оқылымда бекітілді

Қазақстан Парламентінің депутаттары Алатау қаласына арнайы мәртебе беру туралы Конституциялық заң жобасын бірінші оқылымда мақұлдады. Бұл құжат қаланы дамыту үшін ерекше құқықтық режим мен қосымша өкілеттіктерді белгілейді.

Заң жобасының мақсаты – Алатауда халықаралық деңгейдегі бәсекеге қабілетті юрисдикция құру. Осы тәсілдерді іске асыру жедел экономикалық өсудің, технологиялық дамудың және капиталды тартудың тұрақты орталығын қалыптастыруға мүмкіндік береді.

Алатау өзіндік ережелері, басқару жүйесі және экономикасы бар дербес «экожүйе» ретінде дамитын болады. Қаланың дамуына жауап беретін арнайы орган – Alatau City Authority құрылады. Негізгі шешімдер тек үкімет деңгейінде қабылданады.

Шетелдік инвесторларға Алатауда жер учаскелері меншікке берілмейді. Олар нақты жобалар үшін және шектеулі шарттармен ғана берілетін болады. Жер учаскелері жалға беріледі немесе басқа нысанда беріледі. Егер бизнес-жобаны іске асыру мерзімі сақталмаса, мысалы, екі жыл ішінде зауыт, фабрика немесе мейманхана салынбаса, ондай инвесторлар айыппұл төлейтін болады.

Алатау «сандық қала» – заманауи технологиялар көмегімен барлығы (жолдар, көлік, жарықтандыру, коммуналдық қызметтер) жұмыс істейтін орын болып дамитын болады. Жүйелер «ақылды» болып, деректерді өздігінен талдап, тиімдірек жұмыс істейтін болады.

Қазірдің өзінде 1,8 триллион теңге көлеміндегі 44 жоба тобы жарияланған. Инвесторларға түсінікті және тұрақты ережелер уәде етілуде: олардың құқығы заңмен бекітіледі, ал дауды халықаралық арбитраж немесе Астана Халықаралық Қаржы Орталығы арқылы шешуге болады. Бұл шамамен 30 мың жаңа жұмыс орнын ашатыны күтілуде.

Алатау 2024 жылы Жетiген ауылы негiзiнде пайда болған жаңа қала болып табылады. Оның бастапқы генералды планы үкімет тарапынан бекiтiлдi. Қала инвестициялар тарту мен инновациялар орталығы ретiнде дамитын болса да, оның елдiк тиеселiлiгi өзгермейдi.