Мирзиёев Токаевге Түркістанға қатысты мұрағат құжаттарын тапсырды

Өзбекстан Президенті Шавкат Мирзиёев Бұхарадағы кездесу барысында Қазақстан Президенті Қасым-Жомарт Тоқаевқа бірқатар мұрағаттық материалдарды тапсырды.

Қазақстан жағына Өзбекстан аумағында табылған, 1920–1950 жылдар аралығына жататын құжаттардың, сызбалар мен фотосуреттердің көшірмелері берілді. Бұл материалдар Түркістанда орналасқан Қожа Ахмет Ясауи мен Рабия Сұлтан Бегім кесенелеріне қатысты.

Берілген материалдардың айтарлықтай бөлігі бұрын ғылыми айналымға енген емес және мәдени-тарихи маңызы зор деп бағалануда.

Қасым-Жомарт Тоқаев Өзбекстанға жұмыс сапарымен 11 сәуірде келді. Сапар аясында ол Баһауддин Накышбанди мемориалдық кешенін де зияттанды.