Ресейдегі қазақстандықтар қатысқан жаппай жанжал: СІМ ресми сұраулар жолдады
@TengriNews
Ленинград облысында (Ресей) болған жаппай жанжалдың бейнелері әлеуметтік желілерде тарап жатыр. Жағдайды Қазақстан Сыртқы істер министрлігінің баспасөз қызметі түсіндірді.
Оқиға Усть-Луга кентіндегі вахталық қалашық аумағында болған. Бейнебаянда адамдар тобына жылдамдықпен кіріп келе жатқан жеңіл көлік көрсетіледі. Пайдаланушылардың пікірінше, мұның бәрі қазақстандықтар мен жергілікті күзетшілер арасындағы даудың салдарынан басталған.
Күндізгі уақытта түсірілген тағы бір бейнеде, шамамен, кәсіпорынның қауіпсіздік қызметкерлері адамдарды мәжбүрлеп автокөлікке отырғызып жатқаны байқалады.
ҚР СІМ официалды түрде растағандай, инцидент 2026 жылғы 26 наурызда Усть-Луга кентінде болып өтті. Қызметкерлердің айтуынша, оқиғаға қатысушылар Ресейдің құқық қорғайтын органдарымен ұсталған.
«Санкт-Петербургтегі ҚР Бас консулдығы «Велестрой» компаниясының объектісінде болған оқиға туралы ақпаратты тексеруде. Алдын ала мәліметтер бойынша, инцидентке қатысушылар жағдайды түсіндіру үшін Ресейдің құқық қорғайтын органдарымен ұсталған. Ресейдің өкілетті органдарына және компания басшылығына ресми сұраулар жолданды», – делінген СІМ-нің хабарламасында.
Дипломаттар Санкт-Петербург пен Ленинград облысының ІІМ-мен байланыста болып, залал шеккен азаматтар саны мен олардың заңды мәртебесін нақтылау үстінде екенін министрлік хабарлады. Жағдай министрліктің бақылауында деп мәлімделді.
Дереккөз: tengrinews.kz