Казақстан 2025 жылы бензин экспортын 5,7 есеге арттырды

2025 жылы Казақстан бензин экспортында айтарлықтай өсімге қол жеткізді. Жыл ішінде Орталық Азия елдеріне 214,8 мың тонна отын сатылды, бұл көрсеткіш алдыңғы жылмен салыстырғанда 5,7 есеге өсті. Экспорттың жалпы құны 139,4 млн долларды құрады.

Негізгі түтынушылар ретінде Өзбекстан (119,6 мың тонна), Қырғызстан (57,5 мың тонна), Ауғанстан (21,5 мың тонна) және Тәжікстан (16,1 мың тонна) атап өтілді. Қырғызстан мен Ауғанстанға сату динамикасы ерекше: біріншісіне 2024 жылы жеткізу болмаса, екіншісіне экспорт ондаған есеге өсті.

Бензин экспортының күрт өсуіне қарамастан, дизель отынының шетелге сату көлемі тұрақты болып қалды – шамамен 60,3 мың тонна.

Импортта басқа жағдай байқалды. Егер бензин импорты 15 еседен астам азайып, тек 1,3 мың тоннаға дейін төмендесе (негізінен Ресей мен Беларусьтен), онда дизель отынын сырттан әкелу керісінше бес еседен аса өсті. Оның көлемі 377 мың тоннаны құрап, оның да басым бөлігі Ресейден түсті.

Ішкі нарықта отын бағаларының өсу тенденциясы сақталды. 2026 жылдың қаңтарында АИ-92 маркалы бензиндің орташа бағасы 236 теңгені (16,2% өсім), АИ-95/96 – 304 теңгені (16% өсім), ал қысқы дизель отыны – 608 теңгені (7,4% өсім) құрады.