Қазақстан бензин мен дизель отынын шығаруға тыйым салуды тағы жарты жылға ұзартады
@TengriNews
Энергетика министрлігі бензин, дизель отыны және кейбір мұнай өнімдерін республика аумағынан шығаруға қойылған уақытша тыйымды ұзартуды жоспарлап отыр.
Бұл туралы сенбіде, 17 сәуірде, баспасөз хатшылығы хабарлады. Жобаланған бұйрыққа сәйкес, 2026 жылдың 21 мамырынан 2026 жылдың 21 қарашасына дейін мұнай өнімдерін автомобиль көлігімен, соның ішінде Еуразиялық экономикалық одақ мүшелеріне шығаруға тыйым салу ұзартылады. Сонымен бірге жеңгіл дистилляттарды теміржол көлігімен шығару шектеулері сақталады.
Сонымен қатар, 2026 жылдың 1 шілдесінен 2026 жылдың 31 желтоқсанына дейін ЕАЭС кедендік аумағынан тысқары жеңгіл дистилляттарды, авиакеросинді, дизель отынын, газойльдерді, толуолды, ксилолды және мұнай битумын шығаруға қосымша тыйым салу ұзартылатын болжамдалуда.
Қолданыстағы шаралар Қазақстанның энергетикалық қауіпсіздігін қамтамасыз етуге және мұнай өнімдерінің ішкі нарығының тұрақтылығын сақтауға бағытталған деп министрлікте атап өтті.
Мұнай өнімдерін шығару шектеулері Қазақстанда 2021 жылдың мамырынан бері қолданыста және үнемі ұзартылып келеді.
Дереккөз: tengrinews.kz