Қазақстан мен Өзбекстан мемлекеттік аудит саласындағы ынтымақтастықты күшейтеді

Ташкент қаласында Қазақстан Республикасының Жоғарғы аудиторлық палатасы мен Өзбекстан Республикасының Есеп палатасы өкілдерінің кездесуі өтті. Кездесу мемлекеттік аудит саласындағы ынтымақтастық мәселелеріне арналды.

Келіссөздердің нәтижесінде екі елдің жоғарғы аудит органдары арасында 2026–2028 жылдарға арналған ынтымақтастықты дамыту жөніндегі іс-шаралар жоспарына қол қойылды.

Бұл құжат 2025 жылы Жоғарғы Аудит Органдарының Халықаралық Ұйымының (ИНТОСАИ) XXV конгресі аясында қол қойылған түсіну туралы меморандумды іске асыру шеңберінде дайындалды. Сол кездегі форум Мысырдың Шарм-эль-Шейх қаласында өткен еді.

Жаңа жоспар мемлекеттік аудит саласындағы мемлекеттік органдардың кәсіби өзара іс-қимылын кеңейтуді көздейді.

Атап айтқанда, ол тәжірибе мен үздік тәжірибелер алмасуды, жұмысшы кездесулер мен сарапшылардың консультацияларын өткізуді, сондай-аф әдістемелік ынтымақтастықты дамытуды қамтиды.

Қазақстанның Жоғарғы аудиторлық палатасының мүшесі Рүстем Нұрпейісов жоғарғы аудит органдарының бірлескен жұмысы мемлекеттік басқарудың ашықтығы мен тиімділігін арттыруға ықпал ететінін атап өтті. Бұл сонымен қатар Қазақстан мен Өзбекстан арасындағы сенімді нығайтады.

Қол қойылған жоспарды іске асыру екі елдің стратегиялық серіктестігіне қосымша серпін береді деп күтілуде, сонымен бірге Қазақстан мен Өзбекстанның жоғарғы аудит органдары институционалдық өзара іс-кимылын кеңейтеді.