Қазақстан мен БҰҰ су мәселелері бойынша келіссөз жүргізді

Астана қаласында Қазақстан Республикасының Сыртқы істер министрі Ермек Көшербаев Біріккен Ұлттар Ұйымының Бас хатшысының су мәселелері жөніндегі Арнайы өкілі Ретно Марсудимен кездесті.

Кездесу барысында Е.Көшербаев су қауіпсіздігі саласындағы жаһандық сындардың өсу контекстінде БҰҰ Арнайы өкілінің мандатының маңыздылығын атап өтті. Ол бұл саладағы қауіпсіздіктің бұзылуы экономикалық, экологиялық және әлеуметтік дағдарыстардың катализаторына айналуы мүмкін екенін айтты.

Сыртқы саясат басшысы Р.Марсудидің Астанада өтетін Аймақтық экологиялық саммиты алдындағы сапарының маңыздылығын да атап көрсетті. Саммит шеңберінде су қауіпсіздігі мәселелеріне ерекше назар аударылатыны белгілі болды.

Осыған байланысты Е.Көшербаев Қазақстан Республикасы Президенті Қасым-Жомарт Тоқаевтың БҰҰ шапағаттылығымен Халықаралық су ұйымын құру туралы бастамасынан хабарлады. Су ресурстарына қол жеткізуге байланысты қауіптер артқан кезде, бұл бастама жаһандық бейбітшілік пен қауіпсіздікке деген қатерлер фонында ерекше өзектілікке ие болып отыр.

Кездесудің нәтижесінде тараптар жаһандық және аймақтық су күн тәртібі мәселелерін, соның ішінде Алматы қаласындағы БҰҰ-ның Тұрақты даму үшін Аймақтық орталығы базасында, конструктивті диалогты жалғастыру туралы келісті.