Иран екінші американдық F-35 ұшағын атып түсірді, пилот тұтқынға алынды

Иран әскерилері АҚШ-тың бесінші буын F-35 жауынгер ұшағын атып түсіріп, оның пилотын тұтқынға алды. Бұл туралы Иранның орталық әскери басқармасы «Хатам аль-Анбия» мен Tasnim агенттігі хабарлайды.

«КСИР-дің әуе қорғаныс жүйесі екінші бесінші буын F-35 жауынгерін атып түсірді, ол Иранның орталық бөлігінде құлады», – делінген орталық штабтың мәлімдемесінде.

Tasnim агенттігінің жарияланымында: «Кейбір дереккөздер пилотты иран әскерлері тұтқынға алған болуы мүмкін деп хабарлайды», – деп көрсетілген.

АҚШ пилотты құтқару үшін Black Hawk тікұшақтары мен C-130 Hercules ұшағын жіберген, бірақ операция сәтсіз аяқталған. Пилот иран әуе қорғанысы ұшақты атып түсіргеннен кейін катапультамен секірген. Иранда оны тірі ұстағандар үшін сыйақы жарияланған.

Бұл Ислам революциясының күзетшілер корпусы (КСИР) жойғанын мәлімдеген екінші F-35. Алдыңғы оқиға 19 наурызда болды. Корпус ұшақтың ауыр зақым алғанын мәлімдеген еді. Сол кезде Пентагон жауынгерлік тапсырманы орындағаннан кейін жауынгер ұшағының Таяу Шығыстағы әуе базасына апатты қону фактісін растаған болатын.

Иран бұл тарихта жергілікті әуе қорғанысы осындай ұшақты алғаш рет атып түсірген жағдай деп мәлімдейді.

F-35 – Lockheed Martin корпорациясы әзірлеген бесінші буын радиолокациялық байкаусыз көп мақсатты жауынгер ұшағы. Ол АҚШ ӘӘК құрамында 2016 жылдан берi қолданылуда.