Иран Ормуз бұғазын екі аптаға ашуға дайын

Иран АҚШ-қа қарсы шабуылдары тоқтатылса, Ормуз бұғазын екі апталық мерзімге ашуға дайындығын жариялады. Бұл шешім Пәкістанның делдалдық күш-жігерінен кейін қабылданды.

Ирандық сыртқы істер министрі Сейед Аббас Арағчи әлеуметтік желіде жариялаған мәлімдемеде елдің Ұлттық қауіпсіздік жоғарғы кеңесінің атынан сөйлеп, белгілі бір шарттарды қойды. «Егер Иранға қарсы шабуылдар тоқтатылса, біздің қарулы күштеріміз де қорғаныс әрекеттерін тоқтатады», – делінген ресми хабарламада.

Мәлімдемеге сәйкес, екі апталық мерзім ішінде Ормуз бұғаз арқылы қауіпсіз өту Иран қарулы күштерімен үйлестіріліп, техникалық шектеулер ескеріле отырып қамтамасыз етіледі.

Иран өкілдері Пәкістан премьер-министрі Шахбаз Шариф пен фельдмаршал Асим Мүнирдің Таяу Шығыстағы соғысты тоқтату үшін көрсеткен күш-жігерлеріне алғыс білдірді.

Бұрын АҚШ президенті Дональд Трамп Пәкістан премьер-министрінің өтінішінен кейін Иранға қарсы соққыларды екі апта мерзімге уақытша тоқтатуға келіскенін жариялады. Ол бұл шешімді әлеуметтік желідегі жазбасында хабарлап, оны «екіжақты от атуды тоқтату» деп сипаттады. АҚШ лидері Вашингтонның Тегераннан алған 10 тармақты ұсынысты «келіссөздердің жұмыс негізі» ретінде қарастыратынын айтты.

Пәкістан басшысының өзі осыдан бірнеше сағат бұрын Ираннан жақсы ниет белгісі ретінде Ормуз бұғазын екі апта ашуын сұрап, АҚШ президентіне Иран туралы шешімді екі апта мерзімге кейінге қалдыру үшін өтінішпен жүгінген еді.