Иран авиаударлардан кейінгі залалды бағалады

Ирандағы мұнай қоймаларына жасалған соңғы әуе шабуылдарының салдары туралы мәліметтер жарияланды. Шабуылдар Тегеран қаласы мен Альборз облысында орналасқан мұнай сақтау объектілеріне бағытталған.

Парламенттің энергетика комиссиясының өкілі Исмаил Хосейнинің айтуынша, шабуыл тек төрт отын қоймасын нысана алған. Ол бұл шабуылдардың елді отынмен және энергиямен қамтамасыз етуге қауіп төндірмейтінін атап өтті.

«Бұл шабуылдар тек төрт мұнай қоймасына тиді. Алдын-ала көзделген шаралар мен елдегі басқа да қоймалардың болуы есебінен, бензинмен және энергиямен қамтамасыз етуге қатысты ешқандай алаңдаушылық жоқ. Халықтың жанармай құю станцияларында ұзақ кезектерге тұруының қажеті жоқ», – деді Хосейни.

Иран билігінің мәліметінше, залал тек жеке инфрақұрылым объектілерін ғана тигізген. Елде резервтік куаттар мен қосымша отын қоймалары жұмыс істеп тұр.

Бұған дейін Израильдің Қорғаныс армиясы (ЦАХАЛ) Иранның мұнай инфрақұрылымына алғашқы әуе шабуылдарын жасағанын хабарлаған болатын. ЦАХАЛ өкілінің сөзі бойынша, Тегеранда кем дегенде 30 мұнай резервуары нысана болды.