Бір түнде 850-ден астам қазақстандық отанына оралды

Соңғы бір түнде Қазақстанға бес арнайы рейс жасалып, 851 азамат отанына қайтарылды. Бұл рейстерді Air Astana және FlyDubai әуе компаниялары жүзеге асырды.

Бүгін, 5 наурызда да азаматтарды эвакуациялау жұмысы жалғасуда. Бірқатар жаңа ұшулар жоспарланған. Air Astana компаниясы Джидда – Ақтау – Алматы және Джидда – Атырау – Алматы бағыттары бойынша екі рейс жасайды.

SCAT әуе компаниясы Маскат пен Алматы қалаларын байланыстыратын екі ұшуға дайындалуда. Air Arabia компаниясы Шарджадан Алматыға бір рейсті орындап, күні біткенше сол бағытта тағы бір ұшу жоспарлап отыр.

FlyDubai әуе компаниясы Дубай қаласынан Алматы мен Астанаға рейстерді ұшыруды көздейді, ал пассажирлар саны нақтыланбақ.

3 наурыздан бері Таяу Шығыс елдерінен Қазақстан Республикасына барлығы 12 рейс орындалып, 2111 адам отанына қайтты. Бүгінгі күні жоспарланған барлық ұшулар ескерілсе, елге шамамен 4000 азамат қайтарылады деп күтілуде.

Қазақстан азаматтарын отанына қайтару бойынша жұмыс тиісті мемлекеттік органдар мен әуе компанияларының үйлестіруімен жалғасуда.