Атырау полициясының бұрынғы басшысы жұмыстан шығарылып, түрмеге қамалды
@TengriNews
Атырау қаласының полиция басқармасының бұрынғы басшысы Бактыбек Исаев теріс негіздермен ішкі істер органдарынан босатылып, уақытша ұстау изоляторына орналастырылды.
Ішкі істер министрлігі жүргізген жоспарлы қызметтік тексеру барысында қалалық полиция басшылығының «құқыққа қайшы әрекеттері» анықталған. Осы факт бойынша қылмыстық іс қозғалған. Алдын ала тергеу жүргізілуде.
ІІМ хабарламасында шешімдердің «ішкі істер министрінің жүргізіп отырған принциптік бағыты аясында, лауазымына қарамастан, кез келген қызметтік тәртіп пен заң бұзушылықтары үшін жауапкершіліктің заңдылығын және сөзсіздігін қамтамасыз етуге бағытталған» екендігі атап өтілді.
Бактыбек Исаев Атырауда дүниеге келген. Орта Азия университетін бітірген. Ол 2003 жылы құқық қорғау саласында еңбек жолын бастады.
Ол 2024 жылдың мамыр айында Атырау полициясының басшысы болып тағайындалды. Бұдан бұрын ол бірқатар басшы лауазымдарда, атап айтқанда, Маңғыстау облысы полиция департаментінің бастығының орынбасары ретінде жұмыс істеген.
Дереккөз: tengrinews.kz