Ираннан ұшырылған дрон Әзірбайжанның әуежайы аумағына құлады
@TengriNews
Иран аумағынан ұшырылған ұшқышсыз ұшу аппараты (БПЛА) Әзірбайжандағы Нахчыван қаласының әуежайы аумағына құлап, жарылыс болды. Жарылыс нәтижесінде әуежай аумағында өрт шықты.
Оқиға орнынан жасалған бейнелер әлеуметтік желілерде тарап кетті. Нахчыван қаласы Иранмен шекарадан шамамен 30 шақырым қашықтықта орналасқан.
Әзірбайжан БАҚ-тарының ақпараты бойынша, жақын арада Иранның Әзірбайжанның азаматтық инфрақұрылымына шабуыл жасағаны туралы ресми мәлімдеме күтілуде.
Бұдан бұрын хабарланғандай, Әзірбайжан Иранмен шекараға әскерлерін шоғырландырды және армияның бір бөлігін жоғары дайындық деңгейіне көтерді.
Аталған оқиға Иран президенті Масуд Пезешкиянның АҚШ пен Израильдің шабуылдарына жауап ретінде көршілес елдер басшыларына «Тегеран өзін қорғаудан басқа таңдауы жоқ еді» деген мәлімдемесінен кейін орын алды.
Дереккөз: tengrinews.kz